Noticias

Teatro

O teatro volverá ser protagonista da actividade cultural deseñada pola Equipo de Goberno do Concello de Monforte para o ano 2020. No primeiro semestre deste ano teremos a oportunidade de asistir a seis representacións de compañías profesionais, unha para os máis pequenos e cinco para o público adulto. A obra infantil poñerase en escena o venres 10 de xaneiro mentres que as dirixidas ó público adulto representaranse de xaneiro a abril.

A participación do Concello na programación da Rede Galega de Teatros e Auditorios permitirá que se acheguen a Monforte as seguintes compañías e obras:

 

Programación infantil:

-Lambetadas da Compañía Talía Teatro: venres 10 de xaneiro.

 

Programación Adultos:

-Entre soños de Fran Sieira, Compañía de danza: xoves 23 de xaneiro.

-Crónicas do Paradiso de Sarabela Teatro: xoves 6 de febreiro.    

-1879 Casa de bonecas de Estudo Momento: xoves 5 de marzo.  

-A compañeira de piso da Compañía Contraproducións: xoves 26 de marzo.  

-A conquista da escola de Madhubai de Teatro Do Atlántico: xoves 23 de abril.  

 

Todas as representacións levaranse a cabo no Edificio Multiusos:  a infantil, de entrada gratuíta, terá lugar ás 19:00 horas; as 5 restantes, dirixidas a público adulto, representaranse ás 20:15 h, sendo o prezo da entrada xeral de cinco euros e de tres euros para estudantes, desempregados e xubilados.